Thursday, December 15, 2016

வேலை


பொதுவா நம்ம ஊருல அறிவுரை சொல்லுறதுக்கும் சரி; ஆலோசனை சொல்லுறதுக்கும் சரி ஆட்களுக்கு பஞ்சமே கிடையாது. அந்த வரிசையில அப்பாவி பதிவர்களிடம் பேசும் வாய்ப்புக் கிடைத்தால் ‘ரொம்ப நல்லா எழுதுறீங்க தொடர்ந்து எழுதுங்க நல்ல எதிர் காலம் உங்களுக்கு இருக்கு’னு மனதார அடிச்சு விட்டிருக்கேன் :)
இத்தனை நாளா எவ்வளவு ஈசியா சொல்லி இருக்கேன். ஆனா செயல்ல அதைச் செய்யுறதுல இருக்குற சிக்கல் இருக்கே அப்பப்பா ரெண்டு மூணு நாளா ஒரு பதிவ எழுத ஆரம்பிக்க முயற்சி செஞ்சு செஞ்சு ஷ்ஷப்பா..ம்ம்ம்ம்.. ஒரு வழியா உட்கார்ந்து இதோ கிடுகிடுனு எழுத ஆரம்பிச்சிருக்கேன். தொடர்ந்து பதிவை வாசிக்க இருப்பவர்களுக்கு போர் அடிக்கிறதொரு பதிவாக இருந்தால் நான் பொறுப்பாக மாட்டேன் :)
அட என்ன நீ எத்தனை நாள் கழிச்சு பதிவு பக்கம் எட்டிப்பாக்குற. ஆரம்பத்துலயே இப்படி புலம்புறதானு #நண்பர்கள்/அன்பர்கள் கேட்பது என் காதுகளில் கேட்காமல் இல்லை. என்ன செய்வது மிக நீண்டதொரு இடைவெளிக்கு பிறகு மீண்டும் எழுத வேண்டியச் சூழல் (நண்பர்களுக்கு ஒரு நல்ல விசயத்தச் சொல்ல பதிவு எழுத வேண்டிய கட்டாயத்திற்கு வந்திருக்கிறேன் :) )
சில தினங்களுக்கு முன்பு இல்லை பல வாரத்திற்கு முன்பே அந்த நல்ல விசயத்தின் துவக்கம் தெரிந்ததும் தெரிந்த பதிவர்கள்; நண்பர்களுக்கு தொலைபேசி வாயிலாக சொல்லி இருந்தேன். தேம்ஸ் நதிக்கரையிலே பாட்டி எலிசபத் ஊரிலே; வசித்து வரும் பதிவருக்கு மட்டும் அந்த விசயத்தை மின் அஞ்சலில் சொல்லியிருந்தேன். உடனடியாக நீண்டதொரு பதில் அனுப்பி என்னை திக்குமுக்காடச் செய்திருந்தார். பதில் அனுப்ப நினைத்து நினைத்து தொடர்ந்து பல தடைகள் நிஜமாகவே ஏற்பட ஒவ்வொருத்தருக்கும் தனித் தனியே சொல்லிட்டுவர்றதை விடவும் பதிவுல சொல்லிட்டா என்னுடைய ப்ளாக் வாசகர்களுக்கு (அப்படி யாராவது எங்காவது எட்டுத்திக்கிலும் இருந்தால் மகிழ்வார்கள் என்கிற நம்பிக்கையில் எழுதுகிறேன்:))))
***
இவ்வருடம் ஏப்ரல் மாதத்தில் ஸ்டேட் பேங்க் ஆஃப் இந்தியா அகில இந்திய அளவில் சுமார் 17000 ஜூனியர் அசோசியேட் (clerk) காலி இடங்களை நிரப்ப நோடிஃபிகேஷன் வெளியிட்டிருந்தது. prelims, mains முறையே தேர்வை நடத்தியது. மே மாதம் prelims எழுதியதில் தேர்ச்சி பெற்றதை அடுத்து june மாத கடைசியில் main தேர்வை எழுதி இருந்தேன். அதன் முடிவுகள் அக்டோபர் 27 இரவு வந்தது. மோடி அரசு குருப் c மற்றும் d பணிகளுக்கு interview நீக்க பட்டதால் மெயின்ஸ் தேர்வில் தேர்ச்சி பெற்றதைத் தொடர்ந்து மெடிக்கல் டெஸ்ட் மற்றும் டாக்குமெண்ட் வெரிபிகேஷன் சென்ற மாதம் நடந்தது. எல்லாம் சரியாக இருந்ததை அடுத்து 1-12-2016 அன்று மின் அஞ்சலுக்கு அப்பாயிண்ட்மெண்ட் கடிதம் வந்திருந்தது. வரும் திங்கட் கிழமை அதாவது 19ஆம் தேதில இருந்து முதலில் ஒரு வாரத்திற்கு சென்னை நுங்கபாக்கத்தில் இருக்கும் state bank learning center ல் பயிற்சி கொடுப்பார்கள். அதனைத் தொடர்ந்து அனேகமாக பயிற்சியின் கடைசி நாள் அன்று பணி செய்ய வேண்டிய இடத்திற்கான உத்தரவு கடிதம் கொடுப்பார்கள் என எதிர்பார்க்கப்படுகிறது.
 ***
கிட்டதட்ட ஒரு வருட உழைப்பு. 2015 மே மாதம் எம்ஏ முடித்ததும் அடுத்து என்ன செய்வதென்று குழப்ப நிலையில் இருந்தேன். வங்கி பணிக்குச் சென்றால் நான் எதிர் பார்க்கும் அரசாங்க வேலை கிடைக்கும் என்பதால் தொடர்ந்து வங்கி தேர்வுகளுக்கு தயார் செய்ய ஆரம்பித்தேன். முதலில் தோல்விகள் இருந்தாலும் தோல்விகளையே வெற்றிக்கான படிகளாக மாற்றி இறுதியாக இதோ எதிர்பார்த்தபடி வங்கி ஊழியராகப்போறேன். இது துவக்கம் தான். இந்த வெற்றியைக் கொண்டு என்னுடைய லச்சியங்களை எட்டுவதற்கான ஒரு ஏணிப் படிதான் இந்த வேலை என்பதை மனதில் உறுதிக்கொண்டு தொடர்ந்து இயங்க இருக்கிறேன்.
இனி அவ்வப்போது நேரம் கிடைத்தால் எழுதவும் முடிவு செய்திருக்கிறேன்.
அதனால் இத்துடன் நிறுத்திக்கொண்டு மற்றதை எல்லாம் வேறு ஒரு நாள் பார்க்கலாம்:)))

தொடர்புடைய பதிவுகள் :


6 comments:

  1. வாழ்த்துகள் ...........

    ReplyDelete
  2. கடின உழைப்புக்குக் கிடைத்த பரிசு.

    மனம் நிறைந்த வாழ்த்துகள் மகேஷ்.

    ReplyDelete
  3. Well done!! Mahesh, congratulations.

    ReplyDelete
  4. ஏற்கனவே அலைபேசியில் இந்த நல்ல செய்தியை என்னுடன் பகிர்ந்திருந்தீர்கள். மனதார வாழ்த்துக்கள் மகேஷ். மேலும் பல உயரங்களை தொடவும் வாழ்த்துகிறேன்.

    ReplyDelete
  5. வாழ்துக்கள் தல.

    ReplyDelete
  6. Bhagavan krupai! Wish you a prosperous central government employee life

    ReplyDelete